ЦХИНВАЛ, 28 дек – Sputnik. Цæгат Ирыстоны сæйраг горæты бакодтой ногæй сцалцæггонд паддзахадон ансамбль "Алан"-ы агъуыст. Фидæнмæ йыл сæххæст уыдзæн 85 азы. Уый тыххæй хъусын кæны ГТРК "Алания".
Коллективæн раарфæ кæнын æмæ куыстыты гъæд бабæрæг кæнынмæ æрцыд республикæйы сæргълæууæг Сергей Меняйло.
"Æркæсут-ма, æрмæстдæр дзы къултæ баззад. Уый йеддæмæ иуууылдæр у нæуæг. Ныр дæр сын афтæ загътон: хъармдæр æй саразут. Климатмæ æмæ температурæмæ гæсгæ нæ, фæлæ хæрзæфснайдæй", - загъта республикæйы сæргълæууæг.
Агъуысты капиталон цалцæгæй дарддæр артисттæ райстой ног автобус гастрольтæн. Республикæйы æндæр районты цæрæг ансамблы кафджытæн сараздзысты хорз уавæртæ æмдзæрæндоны. Афтæ ма коллективæн балæвар кодтой ног сценæйон костюмтæ.