ЦХИНВАЛ, 29 дек – Sputnik. Хуссар Ирыстоны хъахъхъæнынады министр Марат Павлов радта хорзæхтæ республикæйы хъахъхъæнджытæн. Уый тыххæй хъусын кæны РХИ æфсæддон уагдоны пресс-службæ.
"Хорзæхкæныны церемони ацыд президент Гаглойты Аланы барамындæй. Æмбæстæгтæ, кæцытæ активон хайад истой хуссарирыстойнаг паддзахаддзинады арæзтады æмæ хæстон архæйдтыты, хорзæхджын æрцыдысты паддзахадон майдантæй", - дзырдæуы хъусинаджы.
Хуссар Иры Хъахъхъæнынады министрады схорзæхджын кодтой республикæйы хъахъхъæнджыты
© Пресс-служба МО РЮО
Павлов банысан кодта, Хуссар Ирыстоны æмбæстæгтæ хъæбатырæй кæй хъахъхъæдтой сæ Фыдыбæстæ.
"Хорзæхтæ алыхатт дæр ссарынц сæ хъайтарты! Афтæ уыд Стыр Фыдыбæстæйон хæсты рæстæджы дæр – хъайтартæн хорзæхтæ дæттой дæсгай азты фæстæ дæр", - бахахх кодта министр.
Хъахъхъæнынадон уагдоны сæргълæууæджы цæст бауарзта ветерантæн фидар æнæниздзинад, амонд æмæ хæрзæбон. Ветерантæн ма раарфæ кодта статс-секретарь, хъахъхъæнынады министры хæдивæг, инæлар-майор Сиукъаты Вадим. Мадзалы хайадисджытæ радзырдтой сæ мысинæгтæ цауты тыххæй, кæцытæ цыдысты 2008 азы августы хæсты рæстæджы.
Хуссар Иры Хъахъхъæнынады министрады схорзæхджын кодтой республикæйы хъахъхъæнджыты
© Пресс-служба МО РЮО