ЦХИНВАЛ, 1 фев — Sputnik, Дзæгъиаты Олег. Хуссар Ирыстоны Зонад-иртасæн институты æртыццæджы ацыд зонадон конференци, кæцы нывонд у Зонады бонæн, уыцы бæрæгбон æрвылаз нысан кæнынц 1 февралы. Мадзалы хайад райстой республикæйы президент Гаглойты Алан, ахуырады министр Джиоты Ариана, афтæ ма ХИПУ ректор Тедеты Вадим.
Цхинвалы ацыд Зонады бонæн нывонд конференци
© Natalia Airiyan
Паддзахады сæргълæууæг раарфæ кодта Зонад-иртасæн институты кусджытæн сæ профессионалон бæрæгбоны цытæн æмæ банысан кодта, зонадæн кæй ис сæйраг бынат Хуссар Ирыстоны райрæзты.
"Стыр бузныг уын нæ республикæйы райрæзты локомотив кæй стут, уый тыххæй. Ацы институты куыстой æмæ ныр дæр кусынц бирæ номдзыд ахуыргондтæ. Бузныг уын уæ уæззау куысты тыххæй, кæцы цæуы æппæт Хуссар Ирыстоны хæрзæбонæн. Уæлдай æхсызгон у уынын ам ахуыргондты æвзонг фæлтæр, кæцы, кæй зæгъын æй хъæуы, адарддæр кæндзысты куыст, кæцыйыл архайы йæ сæвзæрдæй фæстæмæ Зонад-иртасæн институт", - бахахх кодта президент.
Цхинвалы ацыд Зонады бонæн нывонд конференци
© Sputnik / Natalia Airiyan
Йæ ралæуды фæстæ президент радта Зонад-иртасæн институты къорд кусджытæн кадджын ном "Республикæ Хуссар Ирыстоны уæлдæр скъолайы сгуыхт кусæг", афтæ ма паддзахадон хорзæхтæ дæр.
Конференцийы рæстæджы радзырдтой цалдæр доклады, кæцытæ хауынц Хуссар Ирыстоны сæйаг проблемæтæм, сæ нымæцы ахуырад æмæ ирон æвзаджы райрæзты проблемæ.
Цхинвалы ацыд Зонады бонæн нывонд конференци
© Natalia Airiyan