ЦХИНВАЛ, 7 фев — Sputnik. Хуссар Ирыстоны тыхджын митуард республикæйы районтимæ бастдзинадæн цæлхдуртæ нæ сæвæрдта, фехъусын кодта Sputnik автомобилон транспорты фæткдаруаты сæргълæууæг Багаты Альберт.
Йæ ныхæстæм гæсгæ, æппæты фылдæр мит æруарыд Ленингоры район, Къуайса æмæ трассæ Цхинвал-Дзæуджыхъæуы.
"Иннæ районты уыййас мит не ᾿руарыд, цæмæй транспорт йæ куыст баурома", - банысан кодта Багаты Альберт.
Куыд ма бафтыдта Багаты Альберт, афтæмæй автобусты шофыртæ рагацау ахызтысты зымæгон цæлхытæм. Кæлæхимæ проблемæтæ нæй, уымæн æмæ фæндагон æмæ коммуналон службæтæ цæсгомджынæй кæнынц сæ куыст.