ЦХИНВАЛ, 14 фев – Sputnik. Хуссар Ирыстоны уæрæсейаг æфсæддонтæ фехстой штатон сармадзантæй Дзарцъемы полигоныл.
"Т-72А танкты экипажтæ сæххæст кодтой нормативтæ æхсыны цæттæкæнынадæй, уыдон скуынæг кодтой "ныхмæлæууæджы" 4 километрæй фылдæр дистанцимæ, афтæ ма фехстой пулеметæй дæр", - хъусын кæны Хуссар æфсæддон зылды пресс-службæ.
Æвзæр боныгъæд нæ бахъыгдардта хæслæвæрдтæ сæххæст кæнын. Пресс-службæйы бафтыдтой, зæгъгæ, экипажтæ райстой нысæнттæ "хорз" æмæ "иттæг хорз".
Танкистты профессионалон дæсниад фæхуыздæр кæнынæн дæлхайæдты æххуыс кæнынц специалисттæ, кæцытæн ис стыр æнтыстытæ Æхсæнадæмон æфсæддон хъæзтыты "Танкон биатлон" конкурсы.