Хуссар Иры парламентон делегаци фембæлд уæрæсейаг политик Сергей Мироновимæ

ЦХИНВАЛ, 16 июн - Sputnik. Хуссар Ирыстоны парламенты делегаци фыццаг вице-спикер Гасситы Петры сæргълæудæй фембæлд парти "Справедливая Россия-За правду"-йы сæрдар, УФ Паддзахадон Думæйы фракцийы разамонæг Сергей Мироновимæ, фехъусын кодта майрæмбоны закондæттæг органы пресс-службæ.

Хуссар Ирыстоны делегацийы сконды ма сты вице-спикертæ Плиты Александр æмæ Чилæхсаты Владимир, депутат Тадтаты Алан.

Сергей Миронов бузныг загъта коллегæтæн сæ балцы тыххæй æмæ зæрдыл балæууын кодта, дыууæ адæмы кæй иу кæны иумæйаг истори æмæ тох Хуссар Ирыстоны хæдбардзинадыл.

Гасситы Петр банысан кодта, стыр аргъ кæй кæны уырыссаг истори, культурæ æмæ æвзагæн, кæцы республикæйы у дыккаг паддзахадон æвзаг æмæ дзы пайда кæнынц ахуыр кæныны рæстæджы скъолатæ æмæ университеты.

Чилæхсаты Владимир фæхуыдта Сергей Мироновы Хуссар Ирыстонмæ, афтæ ма банхъардта фылдæр æмархайд кæнын æхсæнпарламентон æмгуыстады фæлгæтты.

Тадтаты Алан загъта йæ хъуыды Хуссар Ирыстоны туристон къабазы райрæзты фæдыл.

"Республикæйæн ис стыр потенциал туристон къабазы, фæлæ уый гæнæн ис райтынг кæнын арæны сæртыл ахизын æнцон куы уа, уæд. Ныр та, хъыгагæн, пробкæтæ Уæрæсеимæ арæныл адаргъ вæййынц цалдæр километры бæрц", - загъта депутат.

Миронов фехъусын кодта, кæй тырндзæн ац ыздæхты куыст фæтагъддæр кæныныл.

Афтæ ма хуссарирыстойнаг делегаци дидинтæ сæвæрдта Æбæрæг солдаты ингæнмæ Мæскуыйы.