ЦХИНВАЛ, 17 авг – Sputnik. Ленингоры мидхъуыддæгты фæткдаруаты кусджытæ УУМ минæвæрттимæ ауагътой рейдтæ улæфæн бынæтты – хъæд æмæ паркты зонæты æмæ Ксаны былгæрæтты. Уый тыххæй хъусын кæны республикæйы МХМ пресс-службæ.
"Улæфджытæн зæрдыл бадардтой æдасдзинады бындурон фæтктæ, бафæдзæхстой улæфджыты, цæмæй ма бырон кæной алфæмбылайы, ма халой зынгсивæрзты æдасдзинады фæтктæ, ма найой æмæ ма скъæрой хæдтулгæтæ нозтджынæй. Уæлдай хъусдард аздæхтой æнахъом улæфджытæм", - банысан кодтой пресс-службæйы.
Куыд банысан кодта Ленингоры районы Мидхъуыддæгты хайады фадыгон милицæйы æххæстбарджын Быцæнты Михаил, афтæмæй бынæттæ се ᾿ппæт дæр æмбæлон æдасдзинады домæнтæм дзуапп нæ дæттынц.
Уагдоны бахахх кодтой, МХМ æмæ УУМ кусджыты иумæйаг рейдон мадзæлттæ уагъд цæудзысты æрвылбон республикæйы æппæт районты дæр.