ЦХИНВАЛ, 24 авг – Sputnik, Плиты Фатимæ. Цхинвалы Театралон фæзуатыл райдыдта марафонон згъорд, кæцы нывонд у Уæрæсейы рдыгæй Хуссар Ирыстоны хæдбардзинад банымайыны бонæн.
Згъорд сорганизаци кодта фæсивæдон политикæ æмæ спорты фæдыл комитет. Хайад дзы исынц 52 адæймаджы, сæ нымæцы 10 чызджы. Нæлгоймæгтæ алидздзысты 21 километры, чызджытæ та 12 километры.
Участники забега в честь признания Россией независимости Южной Осетии
© Sputnik / Фатима Плиева
Старты размæ регистрацийы столы раз æрæмбырд сты бирæ зындгонд гоймæгтæ, сæ тыхтæ бавзарынмæ æрбацыдысты номдзыд спортсментæ дæр. Згъорды 24-æм номырыл стартмæ рахиздзæн Уæрæсейы фыццагады финалист боксæй Гæджиты Гурам.
Сæ тыхтæ бавзарынмæ æрбацыдысты культурæйы къабазæй гоймæгтæ дæр – зарæггæнæг Икъаты Милена алидздзæн 33 номырæй.
"Æз мæхицæн архайын спортæй, лидзын, цæуын спортивон залмæ. Базыдтон марафоны тыххæй, æрбацыдтæн хайад райсынмæ", - загъта уый.
Участники забега в честь признания Россией независимости Южной Осетии
© Sputnik / Фатима Плиева
Хайадисджыты æхсæн ис Гæбæраты Гоча дæр, кæцы æрцыд Цæгат Ирыстонæй, ууыл цæуы 50 азы, фæлæ йæ ныфс ис, æнтыстджынæй кæй алидздзæн дистанци.
"Интернетæй базыдтон згъорды тыххæй æмæ æрцыдтæн. Æз бирæ хатт хайад райстой марафонты Цæгат Ирыстон æмæ Железноводскы, уыдтæн призер дæр", - загъта уый.
Згъорды призон фонд у 200 мин сомы, Фыццаг бынæтты хицæуттæ райсдзысты фæйнæ 50 мин сомы, 50 мин сомы, дыккаг бынат 30 мин сомы ӕмӕ ӕртыггаг бынат та 20 минтӕ.