ЦХИНВАЛ, 4 окт – Sputnik. Цхинвалы ацæудзæн бæрæгбон "Октоберфест", "Уæлхох Хъелы бæгæныфыцæн"-ы проекты реализацийы фæлгæтты, радзырдта Sputnik Хуссар Ирыстоны базарадон минæвар Уæрæсейы Таймураз Гогинов.
"Фестиваль ацæдзæн Цхинвалы центры кафе "Vincenco"-йы майрæмбоны, 6 октябры. Амалиуæггæнæг æрбавдисдзæн бæгæныйы цалдæр хуызы. Райдайдзæн боны дыууæ сахатыл. Уым уыдзæн хъæбæр æмæ рог, афтæ ма фæйнæ ног хуызы, кæцытæ цæттæ кæнынц массон рауагъдмæ. Ирон националон бæгæны равдысты нæ уыдзæн – уый æвæрæм æндæр бæрæгбонты. Уыдзæн классикон æхсæнадæмон бæгæны", - радзырдта ныхасæмбал.
Фестивалмæ бацæуæн уыдзæн 18 азы кæуыл сæххæст, ахæм адæймæгтæн. Уагъд цæудзæн бæгæны æмæ хæлцы дегустаци, афтæ ма концертон программæ. Уымæй дарддæр организатортæ нывæндынц саразын фестиваль æрвылазон.