ЦХИНВАЛ, 16 окт - Sputnik, Козаты Диана. Хуссар Ирыстоны хицауад ссæрибар кодта æнæниздзинад хъахъхъæнынады министры хæдивæджы бынатæй Сиукъаты Родионы.
Сиукъаты Родион куыста ацы бынаты 2023 азы январæй фæстæмæ æмæ йæ цæст дардта районон медицинон уагдæтты архайдмæ.
Республикæйы ивгъуыд къуыри раивтой уагдоны сæргълæууæджы дæр. Æнæниздзинад хъахъхъæнынады министр ссис Джыгкайты Томас.