ЦХИНВАЛ, 25 окт – Sputnik, Козаты Диана. Президент Гаглойты Алан æртыццæджы бавдыста Паддзахадон таможнæйы комитетæн ног разамонæджы – Цоциты Александры.
Паддзахады сæргълæууæг бузныг загъта комитеты раздæры разамонæг Цхуырбаты Мурæтæн бирæазон куысты тыххæй ацы бынаты æмæ банысан кодта, уый кæй куыста уæззау уавæрты дæр.
Гаглойты Аланы ныхæстæм гæсгæ, ног разамонæг тынг хорз зонгæ у ацы къабазимæ.
"Мæн фæнды, цæмæй таможнæйы коллектив балæууа Комитеты ног къухдариуæггæнæджы фарсмæ æмæ йын баххуыс кæна съкуыддзаг кæнын хæслæвæрдтæ. Уый у стыр бæрндзинад, æмæ мæ цæст уарзы, цæмæй йæ куыст уа æнтыстджын", - банысан кодта президент.
Президенты ныхæстæм гæсгæ, Таможнæйы æмæ Хъалонты комитеттæн сæ бон у фылдæр архайын, цæмæй баххуыс кæной паддзахадæн.
Цхуырбаты Мурæт бахахх кодта, кæй фæкуыста ацы азты дæргъы тынг хорз коллективимæ, кæцыимæ йын бантыст среализаци кæнын бирæнымæц хæслæвæрдтæ.