— Ацы хуыйæндаг абæттын мæ астæуыл... Хистæр лæппу мын мæ рон ахаста æмæ ... — йæ четæн куырæт дзæбæхтæ кæнгæйæ, загъта Фæхтыхъо, æмæ йæ сырх тугбадт цæстытæ фырдзарм худы бынæй бакастысты Дзæрнахъомæ.
Фæхтыхъо лæууыдис сæ хъæмпын сарайы кæрон, къонамæ 'ввахс, Дзæрнахъо дæр йæ цуры. Фæхтыхъо йæ куырæт дзæбæхтæ куы кодта, уæд Дзæрнахъомæ дæр хардзау æркаст — йæ сау нымæт худ систа йæ сæрæй æмæ йын йе 'ставд хъистæ æвзарын райдыдта. — Æмæ та кæм ис уæ хистæр лæппу? — Дзæрнахъо худæй йæ цæстæнгас нæ систа, афтæмæй бафарста Фæхтыхъойы.
— Æмæ-гъа, цы йын зонын æз дæр, усгур та, дам, ацыд Хъахъхъæдурмæ, зæгьынц.
— Ды дæр, Фæхтыхъо, цотджынæй æнæ цот дæ: æз урс кæнын куы райдыдтон, уæдæй нырмæ уæ хъусын: "Нæ хистæр лæппу та усгур ацыд!" Ау, уый аккаг дзыллæйы зылды нæй, æви?! Нæ фæлæ дæу дæр амонд нæ фæци, Фæхтыхъо, нæ фæбæззыдысты дæ цот!
Дарддæр Епхиты Тæтæрийы радзырдмæ хъусут Sputnik Хуссар Ирыстоны.