ЦХИНВАЛ, 17 ноя - Sputnik. Хъӕууон хӕдзарадӕн ис сӕрмагонд бынат экономикӕйы ӕмӕ у нырыккон паддзахады райрӕзты иууыл ахсджиагдӕр здӕхттӕ иу, фехъусын кодта Хуссар Ирыстоны президент Гаглойты Алан йӕ арфӕйы телы хъӕууон хӕдзарады кусӕджы Боны цытӕн.
"Абоны бон хъӕууонхӕдзарадон къабазы райрӕзт исы ног динамикӕ: арӕзт цӕуы агросӕудӕджерадон комплекс Республикӕ Хуссар Ирыстоны хӕлцадон ӕдасдзинад сӕххӕст кӕныны нысанӕн ӕмӕ экспортон потенциалы райрӕзтӕн, афтӕ ма паддзахадон бюджетӕй хицӕн цӕуынц финансон фӕрӕзтӕ уӕлбар кредитты хуызы амалиуӕггӕнджытӕн", - дзырдӕуы арфӕйы ныхасы.
Гаглойты Алан фидарӕй загъта, хъӕууон хӕдзарады кусджыты куыстуарзондзинад ӕмӕ равзаргӕ хъуыддагмӕ иузӕрдыгдзинады фӕрцы уыдон кӕй сӕххӕст кӕндзысты се ‘ппӕт хӕслӕвӕрдтӕ.