ЦХИНВАЛ, 30 ноя - Sputnik. Столицӕйы уынгты фылдӕр хайы хӕрзарӕзтад фӕуыдзӕн азы кӕронмӕ, фехъусын кодта Хуссар Ирыстоны арӕзтад, архитектурӕ ӕмӕ ЦКХ министр Елдзарты Константин 2023-2025 азты РХИ социалон-экономикон райрæзты Инвестпрограммæйы реализацийы контролы фæдыл рабадты.
"Нысангонд ӕрцыд, фӕндагон арӕзтады графиктӕм фӕстиаттӕ кӕй нӕй - столицӕйы уынгты фылдӕр хайы хӕрзарӕзтад фӕуыдзӕн азы кӕронмӕ", - хъусын кӕны хицауады пресс-службӕ.
Арӕзтады министрады разамонӕджы ныхӕстӕм гӕсгӕ, фӕкъаддӕр сты куыстыты темптӕ Козаты уынгыл бынаты зын рельефы тыххӕй.
2023-2025 азты РХИ социалон-экономикон райрæзты Инвестпрограммæйы реализацийы контролы фæдыл рабадт
© Photo : Пресс-служба Правительства РЮО
"Алкӕцы объект дӕр хъуамӕ уа профилон уагдӕтты цӕстдарды бын. Графикы фӕстиаттӕ иууылдӕр хъуамӕ сраст кӕной, кӕд дзы зындзинӕдтӕ фӕзына, уӕд ӕз ӕрвылбоне дӕр цӕттӕ дӕн ӕрныхас кӕнын ацы фарстытыл", - бахахх кодта премьер-министр Джуссойты Константин.
Елдзарты Константин фидарӕй загъта, объектмӕ кӕй ӕрбаздахдзысты уӕлӕмхасӕн бригадӕтӕ ӕмӕ азы кӕронмӕ Козаты уынгыл сӕвӕрдзысты асфальты фыццаг цъар.радзырдта амайад, архтектурæ æмæ ЦКХ министрады сæргълæууæг Елдзарты Константин
Куыд банысан кодтой министрады, афтæмæй Уæрæсе 2023 азмæ радта Инвестпрограммæйы реализацийæн 1,25 миллиард сомы.