Кæрдæгхæссæнты Таймураз рацыди рынчындонæй, мæнæугæрдæнтæм æввахс та — Ислам. Таймураз кусын райдыдта.
Мæхæмæты бинонтыл кæд стыр циндзинад сæмбæлд Исламы сдзæбæхæй, кæд сæхи амондджын хуыдтой, уæддæр сæ алчидæр хицæнæй мидхъуырдухæн кодта.
Дзерассæ йæхимæ хъусгæйæ бонæй-бонмæ тади.
Æдзух æрхæндæгзæрдæйæ æрвиты йæ рæстæг, хъазтмæ нал цæуы, чызджытимæ чызгау нал ахъаздзæн æмæ ахуддзæн, фæндырæй нал ацæгъддзæн.
Цалдæр хатты йæ дохтыртæн фенын кодтой, фæлæ йæм ницы низ ссардтой. Дзæрассæйæн йæхицæй хуыздæр ничи зоны йæ низы уаг, фæлæ цы йæ бон у!
Епхиты Тæтæрийы роман "Размæ"-йы аудиоверсимæ хъусут Sputnik Хуссар Ирыстоны.