ЦХИНВАЛ, 9 янв - Sputnik, Плиты Фатимӕ. Хуссар Ирыстоны паддзахадон драмон театры сценӕйыл равдисдзысты музыкалон аргъау "Бременские музыканты" -йы ранӕуӕггонд верси. Сывӕллӕттӕн равдыст суыдзӕн зынгӕ цымыдисондӕр ӕмӕ цыбырдӕр. Уый тыххӕй Sputnik радзырдта ПДТ аивадон къухдариуӕггӕнӕг Дзудцаты Тамерлан.
"Январы "Саухъус ӕлдар"- имӕ ӕмрӕстӕджы куыст цӕудзӕн музыкалон аргъау "Бременские музыканты" -йы ранӕуӕг кӕныныл. Фӕнды нӕ ӕркӕнын ӕртӕсахатон равдыст иу сахаты хронометражмӕ", - загъта уый.
Аивадон къухдариуӕггӕнӕг ма бафиппайдта, равдыстыл бакусын бахъуыд кӕцыдӕр актёрты раивыны тыххӕй дӕр. Аргъау "Бременские музыканты" сӕвӕрдта режиссёр Чилӕхсаты Эдуард 2013 азы, уый кусдзӕн йӕ рацаразыныл дӕр