МСНК командæгæнджытæ хыгъдлæвæрд радтой МХМ къухдариуæгадæн 2023 азы куысты тыххæй

Sputnik
ЦХИНВАЛ, 16 янв - Sputnik. Гæззаты Вадимы номыл Милицийы сæрмагонд нысаниуæджы къорды (МСНК) кусджытæ ивгъуыд аз 300 хатты ацыдысты инженерон-саперон разысгарстмæ, дæлхайады хисæрмагонд сконд ма хайад иста æхсæнадон фæтк хъахъхъæныны культурон-массон, спортивон æмæ динон мадзæлтты рæстæджы. Уый тыххæй къорды командæгæнæджы хæдивджытæ радзырдтой Хуссар Ирыстоны МХМ къухдариуæгадæн 2023 азы куыстæн хыгъдлæвæрд дæтгæйæ, хъусын кæны уагдоны пресс-службæ.
МСНК командæгæнджытæ хыгъдлæвæрд радтой МХМ къухдариуæгадæн 2023 азы куысты тыххæй
МСНК кусджытæ 2023 азы фондз мин хаттæй фылдæр рахызтысты службæмæ, рейдты рæстæджы та байстой æнæзаконон хæцæнгарзы æхсæз иуæджы.
"Сæрмагонд къорды хæстонтæ хайад истой алыгъуызон ерысты, цы ран ссисты уæлахиздзаутæ æмæ призертæ. Иу хæстон та сæххæст кодта спорты мастеры норматив пауэрлифтинг æмæ тыхон экстримæй", - банысан кодта дæлхайады командæгæнæджы хæдивæг.
Хуссар Ирыстоны мидхъуыддæгты министр Гуыцмæзты Алан саргъ кодта МСНК куыстæн, куыд рæстæмбис, афтæ ма сын банысан кодта сæ куысты фиппаинæгтæ, кæцытæ æвæстиатæй хъæуы аиуварс кæнын. Уымæй дарддæр министр бахахх кодта, ахсджиаг кæй у саразын уавæртæ æвзонг кусджытæн карьерон асиныл уæлæмæ хизынæн.
МСНК командæгæнджытæ хыгъдлæвæрд радтой МХМ къухдариуæгадæн 2023 азы куысты тыххæй