ЦХИНВАЛ, 17 май – Sputnik, Дзæгъиаты Олег. Цыппар уæгъдибар хъæбысæйхæцæджы Ирыстонæй хайад райсдзысты æхсæнадæмон турниры UWW Будапешты (Венгри).
2014 азы дунейы чемпион Цæболты Хетик тох кæндзæн Сербийы командæйы сконды 74 килограммы уæзы категорийы, 2021 азы Европæйы чемпионаты уæлахиздзау Гулаты Æхсарбег та хъахъхъæндзæн Словакийы спортивон кад 79 килограммы уæзы категорийы.
Турниры майдантыл 97 килограммы уæзы категорийы стох кæндзæн Европæйы æхсæз хатты призер Байцаты Владислав (Венгри) æмæ 2022 азы дунейы чемпионаты æвзист призер Цæкулаты Батырбег (Словаки).
Æхсæнадæмон турнир "Мемориал Имре Пойяка и Яноша Варги-2024" ацæудзæн Будапешты 6-7 июны. Ерысты хайад райсдзысты 100 спортсмены бæрц дунейы 20 бæстæйæ.