ЦХИНВАЛ, 3 июн - Sputnik. Хуссар Ирыстоны президент Гаглойты Алан схорзӕхджын кодта Кады орденӕй республикӕйы Адӕмон артист, композитор ӕмӕ музыкант Харебаты Вадимы, хъусын кӕны паддзахады сӕргълӕууӕджы пресс-службӕ.
"Ды бахастай егъау хайбавӕрд националон аивадмӕ, размӕ кодтай нӕ культурӕ фӕсарӕнты. Махӕн та нӕ хӕс у бузныг зӕгъын дӕуӕн ӕмӕ дын саргъ кӕнын дӕ сгуыхтдзинӕдтӕн", - загъта Гаглойты Алан артистимӕ фебмӕлды рӕстӕджы.
Пресс-службӕйы банысан кодтой, Харебаты Вадимӕн хорзӕх кӕй радтой стыр сгуыхтдзинӕдты тыххӕй музыкалон аивады къабазы, бирӕазон пайдаджын архайд ӕмӕ музыканты 70 азы юбилейы фӕдыл.
Культурӕйы министр Зӕгъойты Рада банысан кодта юбиляры зӕрдӕйы стыр миниуджытӕ.
Гаглойты Алан схорзӕхджын кодта РХИ Адӕмон артист Харебаты Вадимы
© Пресс-служба президента РЮО