ЦХИНВАЛ, 9 июл – Sputnik, Дзæгъиаты Олег. Хуссар Ирыстоны президент Гаглойты Алан фембæлд БРИКС бæстæты хъæзтыты призертимæ. Фембæлды ма хайад райстой фæсивæдон политикæ æмæ спорты фæдыл комитеты сæрдар Гасситы Сослан, уæгъдибар хъæбысхæсты тренер Коцты Тамерлан, афтæ ма Европæйы чемпионаты бронзæйон призер æрыгæтты æхсæн Пухаты Роланд.
Гаглойты Алан фембæлд БРИКС бæстæты хъæзтыты призертимæ
© Sputnik / Михаил Авагимов
Гаглойты Алан раарфæ кодта спортсментæн æмæ бахахх кодта, Хуссар Ирыстонæн ахсджиаг кæй у хайад исын ахæм егъау спортивон мадзæлтты.
"Фыццаг хатт ахæм егъау ерысты хайад кæй истат, уымæ æнæкæсгæйæ сымах равдыстат хорз фæстиуджытæ æмæ ныууагътат фæд хуссарирыстойнаг спорты. Стыр бузыг уын уый тыххæй", - загъта президент.
Фембæлды кæрон Гаглойты Алан радта æхцайы премитæ спортсментæн.
Хуссар Ирыстон БРИКС бæстæты хъæзтыты рамбылдта фондз майданы – æртæ уæгъдибар хъæбысхæсты æмæ дыууæ та боксы. Ерысты призертæ ссисты хъæбысæйхæцджытæ Зассеты Азæмæт ("æвзист"), Зассеты Алан æмæ Джиоты Азæмæт (дыууæ дæр "бронзæ"), афтæ ма боксертæ Гæджиты Гурам æмæ Джиоты Арсен (дыууæ дæр "бронзæ").
Гаглойты Алан фембæлд БРИКС бæстæты хъæзтыты призертимæ
© Sputnik / Михаил Авагимов