ЦХИНВАЛ, 22 июл – Sputnik. Ивгъуыд къуырийы дæргъы Хуссар Ирыстоны регистрацигонд æрцыдысты цыппар фыдракæнды, уыдонæй барадхъахъхъæнджытæ раргом кодтой дыууæ — фехъусын кодта республикæйы мидхъуыддæгты министрад.
Паддзахадон автоинспекцийы кусджыты бæрæггæнæнтæм гæсгæ, фæндагон змæлды фæткойтæ хæлд æрцыдысты æртæсæдæ дыууæ хатты. Уымæй дарддæр, бакодтой администраивон суагъæтæ æртæ нозтджын шофырыл. Министрады куыд банысан кодтой, афтæмæй дыууæ шофыры нæ бакуымдтой медицинон басгæрст рахизын, афтæмæй уый дæр æркæны административон бæрндзинадмæ.