ЦХИНВАЛ, 23 июл – Sputnik, Дзæгъиаты Олег. Цыппар ирон спортсмены рамбылдтой майдантæ грекъаг-ромаг хъæбысхæстæй IX Æппæтуæрæсейаг универсиадæйы. Ерыстæ цæуынц Уфайы.
Гегкиты Азæмæт уæлахиздзау ссис 130 кг онг уæзы категорийы. Ирон богал акодта æртæ хæсты æмæ сæ алкæцыйы дæр рамбылдта.
Кады пьедесталмæ схизын баныст Теблойты Даниэль, Дойаты Арсалан æмæ Теблойты Дауытæн дæр. Сæ къухты бафтыдысты бронзæ майдантæ.
Афтæмæй, Ирыстонæн ацы турниры ис иттæг хорз бæрæггæнæн: бацархайдтой дзы цыппарæй æмæ се `ппæр дæр баисты майданты хицæуттæ.