ЦХИНВАЛ, 31 июл – Sputnik. Хуссар Ирыстоны паддзахадон драмон театр Уæрæсейы Культурæйы министрады гранты æххуысæй бацæттæ кæндзæн спектакль Александр Пушкины уацмыс "Кæсагахсæг æмæ кæсаджы аргъау"-мæ гæсгæ.
Уый тыххæй Sputnik-æн фехъусын кодта театры аивадон къухдариуæггæнæг Дзудцаты Тамерлан.
"Спекталь бавдисдзыстæм куыд уырыссаг, афтæ ирон æвзагыл дæр. Мах хъуыды кæнæм аргъауы тæлмацы дыууæ вариантыл – уыдон сæххæст кодтой Гуриты Тамерлан æмæ Плиты Грис, цæмæй равзарæм иууыл актуалондæр нæ дугæн", - радзырдта Дзудцаты Тамерлан.
Уæрæсейы Культурæйы министрад фæсарæйнаг уырыссаг театртæн æххуысы программæйы фæлгæтты рахицæн кодта грант Хетæгкаты Къостайы номыл Хуссар Ирыстоны паддзахадон драмон театрæн.