ЦХИНВАЛ, 13 авг - Sputnik. Сӕрмагонд ӕфсӕддон операцийы (СӔО) ветеранты командӕ Цӕгат Ирыстонӕй хайад райсдзӕн ерысты "Фыдыбӕстӕ хъахъхъӕнджыты кубок", фехъусын кодта РЦИ-Аланийы сӕргълӕууӕг Сергей Меняйло.
Ставрополы цӕудзӕн турниры ӕхсӕнрегионалон этап, уырдӕм ацӕудзысты 11 адӕймаджы Цӕгат Ирыстонӕй.
"Ерыстӕ цӕудзысты спорты цалдӕр хуызӕй: ӕрдынӕй ӕхсын, армрестлинг, уӕлыстъол теннис, спортивон ӕмӕ электронон хӕцӕнгарзӕй ӕхсын, пауэрлифтинг ӕмӕ паралимпион волейбол. Нӕ спортсментӕ ныртӕккӕ активон цӕттӕ кӕнынц", - ныффыста Меняйло йӕ Telegram-каналы.
Республикӕйы сӕргълӕууӕг бахахх кодта, ӕхсӕнрегионалон ерысты хайад кӕй райсдзысты 130-ӕй фылдӕр ветераны Хуссар ӕмӕ Цӕгат Кавказы федералон зылдтӕй, афтӕ ма ног регионтӕй. Уӕлахиздзаутӕ хъахъхъӕндзысты сӕ республикӕйы спортивон кад турниры ӕппӕтуӕрӕсейаг этапыл.