ЦХИНВАЛ, 19 авг – Sputnik. Президент Гаглойты Алан ратта интервью уæрæсейаг газет "Известия"-йæн. Паддзахады сæргълæууæг куыд радзырдта, афтæмæй Хуссар Ирыстонæн æппæты хуыздæр варианттæй иу у Цæдисон паддзахады скондмæ бахизын. "Ныртæккæ куыст цæуы Беларусимæ æмгуыстад сфидар кæныныл", – банысан кодта Гаглойты Алан.
Йæ ныхæстæм гæсгæ, нырма дзырд цæуы спорты æмæ гуманитарон къабазы контакттыл, фæлæ йæ ныфс ис, фидæны Цхинвал æмæ Минскы ахастытæ кæй уыдзысты ноджы æнгомдæр.