ЦХИНВАЛ, 30 сен - Sputnik. Цæгат Ирыстоны театры артисттæ ацыдысты гастролты Мæскуымæ, цы ран бавдисдзысты дыууæ спектаклы, фехъусын кодта Цæгат Ирыстоны сæргълæууæг Сергей Меняйло.
"Чысыл театры сценæйыл нæ артисттæ райсом бавдисдзысты спектакль "Король Лир". Ацы пьесæйы сæйраг хъайтары фæлгонц сæххæст кодта Албегты Алан æмæ ацы аз рамбылдта престижон театралон хорзæх – "Золотая Маска", - банысан кодта республикæйы сæргълæууæг.
Александр Пушкины номыл театры 1 октябры та ацæудзæн спектакль "Овод"-ы равдыст.