ЦХИНВАЛ, 30 окт – Sputnik, Дзӕгъиаты Олег. Хуссар Ирыстон фыццаг хатт хайад исы хӕлцадон продукттӕ ӕмӕ нозты егъау равдыст "InterFood Ural"-ы Екатеринбурджы.
Мадзалы бавдыстой алыгъуызон продукци Хуссар Ирыстонӕй, сӕ нымӕцы бӕгӕны, сӕн ӕмӕ коньяк.
Республикӕйы базарадон минӕвар Уӕрӕсейы Таймураз Гогинов банысан кодта, Хуссар Ирыстоны хайадисты сӕйраг нысан ацы мадзалы у раразмӕ кӕнын республикӕйы бренд, афтӕ ма ссарын ног кусӕгон партнерты.
"Сӕйраг нысан у радзурын Хуссар Ирыстоны бренд ӕмӕ туристон потенциалы тыххӕй, афтӕ ма нӕ экологон сыгъдӕг продукцийы тыххӕй", - бахахх кодта Таймураз Гогинов.
Хуссар Ирыстон хайад исы "InterFood Ural"-ы равдысты республикӕ ӕмӕ Свердловскы областы ӕхсӕн ӕмгуыстады фӕдыл бадзырды фӕлгӕтты.