ЦХИНВАЛ, 8 ноя - Sputnik, Плиты Фатимӕ. Хуссар Ирыстоны нӕ фӕнд кӕнынц фӕфылдӕр кӕнын ӕхсӕнадон транспортыл цӕуыны аргъ. Билетты аргъ куыд республикӕйы столицӕ, афтӕ ӕхсӕнгорӕтон рейстыл дӕр нӕ фӕивта. Уый тыххӕй Sputnik-ӕн фехъусын кодта республикон паддзахадон унитарон куыстуат "Хуссар Ирыстоны автотранспорты фӕткдаруат"-ы генералон директор Уалыты Сергей.
Хуссар Ирыстоны мӕйы райдайӕны радон хатт фӕфылдӕр бензины аргъ. Уый фӕдыл 800-ӕй 1000 соммӕ схызт хисӕрмагонд такситы аргъ Цхинвал-Дзӕуджыхъӕу маршрутыл.
"Мах азы кӕронмӕ нӕ нывӕндӕм фӕфылдӕр кӕнын автобустыл цӕуыны аргъ куыд республикӕйы, афтӕ ӕхсӕнгорӕтон рейстыл дӕр", - загъта Уалыты Сергей.
Йӕ ныхӕстӕм гӕсгӕ, Цхинвалӕй Дзӕуджыхъӕумӕ ӕхсӕнадон транспортыл цӕуыны аргъ у 500 сомы.