ЦХИНВАЛ, 8 ноя - Sputnik, Плиты Фатимӕ. Хуссар Ирыстоны парламент майрӕмбоны рабадтыл сфидар кодта республикӕйы Национ банчы директорты советы ног сконд – уырдӕм бахызтысты уагдоны кусджытӕ Бестауты Вадим ӕмӕ Тедеты Фатимӕ.
Парламенты сесси
© Sputnik / Мария Санакоева
Ацы уынаффӕйӕ ма советы скондӕй рахызт Болататы Алана, уый размӕ йӕ снысан кодтой Хуссар Ирыстоны Сбербанчы сӕргълӕууӕгӕй.
Бестауты Вадим 2013 азӕй фӕстӕмӕ кусы Начбанчы, ныртӕккӕ у уагдоны разамонӕджы хӕдивӕг. Тедеты Фатимӕ 2012 азӕй фӕстӕмӕ кусы банчы сӕйраг бухгалтеры бынаты, уый размӕ дӕр уыд директорты советы сконды.