ЦХИНВАЛ, 12 ноя - Sputnik. Хуссар Ирыстоны президент Гаглойты Алан фембӕлд парламенты иумандатон ӕвзарӕн зылдтӕй депутаттимӕ, цӕмӕй ӕрныхас кӕна семӕ тыхты консолидаци ӕмӕ ӕмархайдыл республикӕйы хӕрзӕбонӕн, фехъусын кодта паддзахады сӕргълӕууӕджы пресс-секретарь Босыкты Наталья.
Фембӕлды хайад райстой депутаттӕ Сланты Иван, Гасситы Александр, Плиты Константин, Козаты Олег ӕмӕ Гӕджиты Сослан, афтӕ ма парламенты разамонӕг Мӕргъиты Алан.
"Фембӕлды рӕстӕджы дзырд цыд закъондӕттӕг ӕмӕ ӕххӕстгӕнӕг хицауады ӕхсӕн ӕмгуыстад фӕтыхджындӕр кӕныныл", - загъта Босыкты Наталья.
Гаглойты Алан бахахх кодта, ахсджиаг кӕй у тыхты консолидаци ныры политикон ӕмӕ экономикон уавӕры.
Гаглойты Алан ӕрдзырдта иумандатон зылдтӕй депутаттимӕ тыхты консолидацийыл
© Пресс-служба президента РЮО
"Ӕрӕмбырдуӕвӕг депутаттӕ равдыстой цӕттӕдзинад пайдаджын ӕмгуыстадмӕ", - банысан кодта президенты пресс-секретарь.
Хайадисджытӕ баныхас кодтой дарддӕры ӕмгуыстадыл, цӕмсӕй иумӕ аразой къахдзӕфтӕ республикӕйы райрӕзты нысанӕн.