ЦХИНВАЛ, 18 ноя - Sputnik, Томайты Аманда. Цхинвалы 13 Коммунары уынгыл "Зæронд хид" æххæстæй сцæттæ уыдзæн 2025 азы. Уый тыххæй Sputnik-æн фехъусын кодта Хуссар Ирыстоны арæзтад, архитектурæ æмæ цæрæнуатон-коммуналон хæдзарады министрады пресс-службæйы кусæг Хуыгаты Юнона.
Йæ ныхæстæм гæсгæ, ацы за фæнд кæнынц фæуын æппæт арæзтадон-монтажон куыстытæ.
Хуыгаты Юнона бахахх кодта, зæгъгæ, ныртæккæ хид гом у фæндагон змæлдæн, фæлæ дзы кусы æрмæст иу хахх.
"Ацы къуыри бакæндзысты дыккаг хахх æмæ сæхгæндзысты фыццаг, цæмæй сæвæрой деформацион хуыдтытæ хиды дыккаг фарсыл. Хуыдтытæ æвæрд куы фæуой, уæд дыууæ фæндагон хахх дæр æххæстæй скусдзысты", - загъта министрады кусæг.
Хуыгаты Юнона ма бафтыдта, зæгъгæ, хидыл æдасдзинадæн сæвæрдтой фæндагон нысæнттæ.