ЦХИНВАЛ, 22 ноя – Sputnik. Уӕрӕсейаг ӕфсӕдтӕ ӕнтыстджынӕй бафӕлвардтой сӕрмагонд ӕфсӕддон операцийы зонӕйы ног баллистикон ракетӕ "Орешник", фехъусын кодта Владимир Путин.
"Хӕстон уавӕрты фӕлварӕн ӕхст фӕкодтой ног уӕрӕсейаг ракетон системӕйӕ. Уый уыд баллистикон ракетӕ ӕнӕядерон комплектацийы, нӕ специалисттӕ йӕ схуыдтой "Орешник", - банысан кодта президент.
Путин бахахх кодта, зӕгъгӕ, нырыккон уӕлдӕфон хъахъхъӕнынады фӕрӕзтӕн сӕ бон нӕу ӕрыппарын ракетӕ "Орешник", уымӕн ӕмӕ йӕ тагъдад у 10 Махы – 2-3 километры секундмӕ.
Президент бафтыдта, зӕгъгӕ, хӕстон уавӕрты системӕ "Орешник"-ӕй спайда кодтой, уымӕн ӕмӕ НАТО-йы бӕстӕтӕ агрессивон архайд кӕнынц Уӕрӕсейы ныхмӕ.