ЦХИНВАЛ, 26 ноя – Sputnik. Хуссар Ирыстоны парламенты делегаци ацæудзæн Мæскуымæ фæсарæйнаг парламентты политикон фракциты æхсæнадæмон конференцимæ. Паддзахадон Думæйы æрæмбырд уыдзысты дæс бæстæйы минæвæрттæ. Уынаффæ цæудзæн Хæдбар Паддзахадты Æмхæларады сконды чи ис, уыцы бæстæты парламентон æмгуыстады æхсæнфракцион архайды ахадындзинадыл.
Æрвылазон конференцийы ацы аз уыдзæн 32 архайæджы 28 парламентон партийæ. Паддзахадон Думæйы сæрдар Вячеслав Володин фæнд кæны Хуссар Ирыстоны парламенты делегациимæ дывæрсыг фембæлды аныхас кæнын.