ЦХИНВАЛ, 27 ноя – Sputnik. Хуссар Ирыстон æмæ Уæрæсейы парламентаритæ Паддзахадон Думæйы æруынаффæ кодтой экономикон æмгуыстады фарстытыл, базарадон ахастыты райрæзтыл æмæ геополитикон уавæрыл, фехъусын кодта æртыццæджы Хуссар Ирыстоны парламенты пресс-службæ.
Фембæлд ацыд æхсæнпарламентон æмгуыстады фæдыл конференцийы рæстæджы. Хуссар Ирыстоны делегацийы сæргъы уыд парламенты сæрдар Мæргъиты Алан, Уæрæсейаг парламентариты къорды сæргъы та фракци "Единая Россия"-йы разамонæджы фыццаг хæдивæг Вячеслав Макаров.