ЦХИНВАЛ, 13 дек - Sputnik. Цӕгат Ирыстоны ацыд "Комкоммӕ лини" республикӕйы сӕргълӕууӕг Сергей Меняйлоимӕ. Регионы разамонӕг дзуапп кодта цӕрджыты фарстытыл цыппар сахаты дӕргъы.
Уыцы рӕстӕгмӕ колл-центр бакуыста 247 ӕрбадзырдыл, "комкоммӕ лини"-йы анонсӕй фӕстӕмӕ та ӕдӕппӕт ӕрбацыд 1200 хъусинаджы. Сергей Меняйло баныфсӕвӕрдта, зӕгъгӕ, цӕрджыты фарстытӕй кӕдоныл нӕ бантыст сдзуапп кӕнын, уыдон иууылдӕр ӕрвыст ӕрцӕудзысты республикон ӕмӕ муниципалон органтӕм, цӕмӕй сыл бакусой.
Цӕгат Ирыстоны цӕрджыты фарстыты фылдӕр хай баст уыдысты ЦКХ, уӕлбартӕ, ахуырад, цӕрӕнуат, фӕндӕгтӕ ӕмӕ куысты бынӕттимӕ.
Афтӕ ма Сергей Меняйло дзырд радта сӕххӕст кӕнын ӕхсӕз сывӕллоны ногазон бӕллицы.
Эфиры кӕрон Меняйло фехъусын кодта, зӕгъгӕ, Бинонты азы кӕрон 25, 50, 60 ӕмӕ фылдӕр азы цы ӕмкъӕйттӕ фӕцардысты, уыдонӕн балӕвар кӕндзысты финансон фӕрӕзтӕ.