ЦХИНВАЛ, 18 дек – Sputnik. Уæрæсе æмæ НАТО-йы хæсты сценарий у дунеон апокалипсис, фехъусын кодта йæ интервьюйы телеканал "Россия 1" æмæ РИА Новостийæн Азербайджаны президент Ильхам Алиев.
"Уæрæсе æмæ НАТО-йы хæсты сценарий у дунеон апокалипсис", - загъта Алиев йæ интервьюйы Æхсæнадæмон медиакъорд "Россия сегодня"-йы гендиректор Дмитрий Кисилевæн.
Азербайджаны президенты ныхæстæм гæсгæ, ацы хæсты уæлахиздзаутæ нæ уыдзæн, уымæн æмæ иу бæстæ дæр йæхи не ‘нкъардзæн æдас уавæры.
Уæрæсейы Федерацийы президент Владимир Путин йæ интервьюйы америкæйаг журналист Такер Карлсонæн лæмбынæгæй радзырдта, Мæскуы кæй нæ фæнд кæны бабарсын НАТО-йы бæстæтæм.