ЦХИНВАЛ, 20 дек – Sputnik. Президент Гаглойты Алан раарфӕ кодта Паддзахадон хъахъхъӕнынады службӕйы кусджытӕн уагдоны сӕвзӕрды 23-ӕм афӕдзыбоны фӕдыл.
Гаглойты Алан раарфӕ кодта Паддзахадон хъахъхъӕнынады службӕйы кусджытӕн
© Photo : Пресс-служба президента РЮО
Паддзахадон хъахъхъӕнынады службӕйы сӕвзӕрды бон республикӕйы нысан кӕнынц 21 декабры. Бӕрӕгбоны хӕдразмӕ паддзахады сӕргълӕууӕг бацыд тыхон структурӕйы бӕстыхаймӕ.
"Ӕз хъуыды кӕнын Паддзахадон хъахъхъӕнынады службӕйы сӕвзӕрды бон. Уӕдӕй фӕстӕмӕ сымах ӕнтыстджынӕй ӕххӕст кӕнут уӕ разы лӕууӕг хӕслӕвӕрдтӕ", - загъта президент.
Гаглойты Алан раарфӕ кодта Паддзахадон хъахъхъӕнынады службӕйы кусджытӕн
© Photo : Пресс-служба президента РЮО
Гаглойты Алан ма бузныг загъта уагдоны ветерантӕн, афтӕ ма ссардта Фыдыбӕстӕйы зынгхуыст хъайтарты рухс нӕмттӕ.
Президент схорзӕхджын кодта Паддзахадон хъахъхъӕнынады службӕйы хуыздӕр кусджыты майдантӕй: "Защитнику Отечества", "В ознаменование 15-летия Победы в Отечественной войне народа Южной Осетии" ӕмӕ "За службу во благо мира в Южной Осетии".