ЦХИНВАЛ, 26 дек - Sputnik. Цæгат Иры къухдариуæгад баххуыс кæндзæн базарадон центр "Алания Молл"-ы срæмыгъд æмæ зынгсирвæзты фæстиуæгæн æппæт зианбаййафджытæн. Уый тыххæй фехъусын кодта республикæйы сæргълæууæг Сергей Меняйло йæ Telegram-каналы.
"Фæмардуæвæг сылгоймаджы бинонтæн ратдзысты иу милуан сомы. Бæстыхайы хицауимæ кусæм мадзæлттыл, цæмæй баххуыс кæнæм базарадон центры арендатортæн", - ныффыста Меняйло.
Дзæуджыхъæуы знон 8.30 сахатыл базардон центр "Алания Молл"-ы æрцыд зынгсирвæзт. Уæлвæткон уавæрты министрады (УУМ) бæрæггæнæнтæм гæсгæ, иу адæймаг фæмард, дыууæ та райстой буары цæфтæ. Республикæйы сæргълæууæг куыд фехъусын кодта, афтæмæй Дзæуджыхъæуы базарадон центры срæмыгъд æмæ зынгсирвæзт фæзынд æнæпилотон тæхæг аппараты хæйтты æрхауыны фæстиуæгæн.