ЦХИНВАЛ, 5 фев – Sputnik. Цхинвалы Мамсыраты Хадзы-Умары номыл фӕндзӕм астӕуккаг скъола райста нырыккон мобилон лабораторон комплекс "Биологи", йӕ аргъ у милуан фондз сӕдӕ мин сомы бӕрц. Уый тыххӕй хъусын кӕны Хуссар Ирыстоны минӕварад Уӕрӕсейы.
Нырыккон комплекс радтой Хуссар Ирыстон ӕмӕ Мӕскуыйы хицауады ӕхсӕн бадзырды фӕлгӕтты. Уыцы бадзырд ӕххӕст ӕрцыд Хуссар Ирыстоны минӕварады ӕмархайдӕй президент Гаглойты Аланы фӕдзӕхстмӕ гӕсгӕ.
Цхинвалы фӕндзӕм астӕуккаг скъола райста нырыккон лабораторон комплекс
© Photo : Пресс-служба посольства РЮО в РФ
Комплексы ис ноутбуктӕ, микроспкотӕ, адӕймаджы буары модель, лабороторон ифтонггарз ӕмӕ алыгъуызон инструменттӕ.
Скъолайы директор Туаты Мӕдинӕ загъта бузныг президент Гаглойты Аланӕн ахӕм зынаргъ лӕвары тыххӕй.