ЦХИНВАЛ, 7 фев – Sputnik. Æхсæнадæмон конкурсты лауреат, вокалист Циукъаты Тотраз бавдисдзæн Марина Цветаева Хæдзар-музейы моноспектакль "Вертинский. Легенда". Равдыст ацæудзæн сабаты.
"Мæнæн ацы моноспектаклы хайадист у егъау цау æмæ йæм тынг æнхъæлмæ кæсын", - банысан кодта артист.
Спектакль конд у æртæ хайæ - "Красный клоун", "Белый клоун" æмæ "Рассказчик".
"Вертинскийы сфæлдыстад у тынг зынаргъ цыфæнды æххæстгæнæгæн дæр, уымæн æмæ у йæ эпохæйы ирддæр фигурæ", - бахахх кодта артист.
Спектаклы ма ис ахсджиаг биографион моменттæ Вертинскийы цардæй.