ЦХИНВАЛ, 5 мар — Sputnik. Уӕрӕсейаг ӕфсӕдтӕ ссӕрибар кодтой цӕрӕн пункт Привольное Донецкы Адӕмон Республикӕйы, фехъусын кодта ӕртыццӕджы Уӕрӕсейы Федерацийы Хъахъхъӕнынады министрад.
Уагдоны бафтыдтой, зӕгъгӕ, уӕрӕсейаг авиаци, ӕнӕпилотон тӕхӕг аппараттӕ, ракетон ӕфсӕдтӕ ӕмӕ артиллери ивгъуыд суткӕйы дӕргъы скуынӕг кодтой ӕфсӕддон аэродромты инфраструктурӕ, нефтебазӕ, дронты фӕткдаруаты пункттӕ, националистон къорд "Кракен"-ы штаб, афтӕ ма Украинӕйы Гарзджын тыхты ӕфсӕддонты ӕмӕ хӕстон техникӕ 150 районы. Уӕлдӕфон хъахъхъӕнынады фӕрӕзтӕ ӕрыппӕрстой ӕхсӕз авиабомбӕйы ӕмӕ 51 ӕнӕпилотон тӕхӕг аппараты.
Ӕдӕппӕт сӕрмагонд ӕфсӕддон операцийы райдайӕнӕй скуынӕг кодтой: 656 хӕдтӕхӕджы, 283 вертолеты, 45 387 ӕнӕпилотон тӕхӕг аппараты, 600 зенитон ракетон комплексы, танктӕ ӕмӕ ӕндӕр бронетехникӕйы 21 989 иуӕджы, залпон ӕхсты реактивон системӕты 1523 иуӕджы, быдырон артиллери ӕмӕ минометты 22 286 сармадзаны, сӕрмагонд ӕфсӕддон автомобилон техникӕйы 32 455 иуӕджы.