ЦХИНВАЛ, 4 апр – Sputnik, Дзӕгъиаты Олег. Хуссар Ирыстоны парламент майрӕмбоны сессийы рӕстӕджы райста закъон Уӕрӕсеимӕ пенсион ифтонгады бадзырды протоколы ратификацийы фӕдыл.
Парламенты ӕнӕниздзинад хъахъхъӕнынад ӕмӕ социалон политикӕйы комитеты сӕргълӕууӕг Плиты Александр куыд банысан кодта, афтӕмӕй бадзырдмӕ ивындзинӕдтӕ хъуыд бахӕссын, цӕмӕй фӕхуыздӕр уа куыст Хуссар Ирыстоны территорийыл цӕрӕг уӕрӕсейаг ӕмбӕстӕгты пенсион ифтонгады фӕдыл.
Депутаттӕ ӕмхъӕлӕсӕй сразы сты протоколы ратификацийыл.