ЦХИНВАЛ, 4 апр – Sputnik, Дзӕгъиаты Олег. Хуссар Ирыстоны парламент ссӕрибар кодта Тыбылты Иналы Цхинвалы тӕрхондоны сӕргълӕууӕджы бынатӕй.
Уый размӕ Тыбылты Иналы йӕ бынатӕй ссӕрибар кӕныны фӕдыл куырдиат ӕрбацыд парламентмӕ Хуссар Ирыстоны президент Гаглойты Аланӕй.
Депутатты фылдӕр хай схъӕлӕс кодтой ацы скхуыддзагыл.
Тыбылты Инал уыд республикӕйы столицӕйы тӕрхондоны сӕргълӕууӕг 2018 азы апрелӕй.