ЦХИНВАЛ, 19 июн - Sputnik. Уӕрӕсейаг компаниты къорд Т1-ы минӕвӕрттӕ ауадздзысты Хуссар Иры Нацбанчы IT-инфраструктурӕйы аудит.
"Петербургаг ӕхсӕнадӕмон экономикон форумы фӕлгӕтты ацыд фембӕлд уӕрӕсейаг компаниты къорд Т1-ы генералон директоримӕ. Ацы структурӕ архайы цифрон къабазы, уадзы информацион системӕты аудит", - загъта Националон банчы сӕргълӕууӕг Бекъойты Сослан.
Йӕ ныхӕстӕм гӕсгӕ, фембӕлды рӕстӕджы баныхас кодтой ӕмархайды дарддӕры къахдзӕфтыл.
"Нӕ коллегӕтӕ ӕввахс рӕстӕджы ӕрцӕудзысты Хуссар ирыстонмӕ, цӕмӕй ауадзой Нацбанчы инфраструктурӕйы IT-инфраструктурӕйы аудит. Ӕмӕ бынаты скъуыддзаг ӕрцуӕдзӕн, цы продукттӕй хъӕуы баххӕст кӕнын нӕ банк", - банысан кодта Бекъойты Сослан.
Афтӕ ма компанийы минӕвӕртты фӕхуыдтой Хуссар Ирыстоны фыццаг экономикон форуммӕ сентябры.