ЦХИНВАЛ, 14 авг – Sputnik, Гӕбӕраты Элина. Хуссар Ирыстоны Цхинвалы районы Цъунары хъӕуы бакодтой дыууӕ километры дӕргъӕн фӕндаг, кӕцы иу кӕны трассӕ Цхинвал – Знауыр агросӕудӕджерадон куыстуат "Южный сад"-мӕ.
Фӕндаг бакӕныны церемонийы хайад райстой экономикӕйы министр Хъотайты Сӕрмӕт, фӕсарӕйнаг хъуыддӕгты министр Джиоты Ӕхсар, Хуссар Ирыстоны минӕвар Уӕрӕсейы Гасситы Знауыр, афтӕ ма компани "Южный сад"-ы къухдариуӕгад йӕ хицау Тотоонты Александры сӕргълӕудӕй.
Цъунары хъӕуы бакодтой фӕндаг агросӕудӕджерадон куыстуат "Южный сад"-мӕ
© Sputnik / Элина Габараева
Хъотайты Сӕрмӕт бузныг загъта фӕндаг саразыныл чи архайдта, ӕппӕт уыдонӕн ӕмӕ бахахх кодта, "Южный сад" кӕй у ахсджиаг республикӕйы экономикӕйӕн.
"Бузныг уын уӕ куысты тыххӕй. "Южный сад" у хуссарирыстойнаг хъӕууонхӕдзарадон продукцийы экспорты локомотив", - банысан кодта экономикӕйы министр.
Цъунары хъӕуы бакодтой фӕндаг агросӕудӕджерадон куыстуат "Южный сад"-мӕ
© Sputnik / Элина Габараева
Цхинвалы районы администрацийы сӕргълӕууӕг Бӕззаты Инал хъӕуы цӕрджыты номӕй бузныг загъта фӕндаджы арӕзтады тыххӕй.
Проекты реализаци ӕххӕст ӕрцыд инвесторы хъӕппӕрисӕй республикӕйы къухдариуӕгады ӕххуысӕй.
Цъунары хъӕуы бакодтой фӕндаг агросӕудӕджерадон куыстуат "Южный сад"-мӕ
© Sputnik / Элина Габараева