ЦХИНВАЛ, 3 окт – Sputnik, Олег Джагæв. Sputnik-ы пресс-центры ацыдис Мæскуы æмæ Цхинвалы хсæн видеохид. Ныхас кодтой фæсивæдон проекттыл, афтæ ма Хуссар Ирыстон æмæ Уæрæсейы иумæйаг ахуырадон хъæппæристыл. Мадзалы бацархайдтой Уæрæсейы Паддзахадон Думæйы депутат, парти "Единая Россия"-йы Уæлдæр советы уæнг, автономон æнæкоммерцион организаци "Еврази"-йы советы сæрдар Алена Аршинова æмæ Хуссар Ирыстоны президенты администрацийы разамонæджы хæдивæг Тыбылты Алан.
Аршинова фæхуыдта Хуссар Ирыстоны фæсивæды организаци "Еврази"-йы культурон проектты бацархайынмæ. Сæ нысан у историон рæстдзинад хъахъхъæнын. Хицæн æргом аздæхта проект "Победа 9/45"-мæ æмæ, ирон хæстонтæ Стыр Уæлахизмæ цы `вæрæн бахастой, уымæ. Раразмæ кодта ноджыдæр иу хъæппæрис – Хусссар Ирыстоны æхсæнадæмон кинофорум "Эхо "Евразия Кинофест" ауадзын. Уыцы форумы æвдисынц хуыздæр кинонывтæ, кæнынц дæсныйадæвдисæг ахуыртæ æмæ фæсивæды æмбæлын кæнынц зындгонд актертимæ.
Тыбылты Аланы хъуыдымæ гæсгæ, хъæуид саразын уæрæсейаг-хуссарирыстойнаг кæнæ æхсæнадæмон форум æмæ, нæ бæстæты иумæйаг идейæты `вварс чи у, уыцы адæмы æрæмбырд кæнын.