ЦХИНВАЛ, 3 фев — Sputnik. Хуссар Ирыстоны паддзахадон драмон театр цӕттӕ кӕны Хуыгаты Георгийы пьесӕмӕ гӕсгӕ комеди "Чепена". Уый тыххӕй фехъусын кодтой театры Telegram-каналы.
Театры банысан кодтой, спектаклыл кӕй кусы режиссер Чилӕхсаты Эдуард.
"Пьесӕ "Чепена" ис Ирыстоны националон драматургийы хӕзнадоны", - дзырдӕуы хъусинаджы.
Уый размӕ театры аивадон разамонӕг Джелыты Хъазбег радзырдта Sputnik-ӕн, "Чепена" ныридӕгӕн кӕй сӕвӕрдтой цӕгатирыстойнаг театры сценӕйыл, ныр та йӕ фендзӕн хуссарирыстойнаг кӕсӕг дӕр.