ЦХИНВАЛ, 4 фев - Sputnik. Транскавказаг автомагистраль бакодтой уӕзласӕн хӕдтулгӕтӕн ӕртыццӕджы 10.00 сахатӕй, хъусын кӕны Хуссар Ирыстоны Уӕлвӕткон уавӕрты министрад (УУМ).
Къуырисӕры изӕры трассӕ сӕхгӕдтой алы хуызы транспортӕн тыхджын митуард ӕмӕ зӕйтӕ ӕрцӕуыны тӕссагдзинады тыххӕй. Знон тобӕ систой рог хӕдтулгӕты змӕлдыл.
"Транспортон фӕрӕзтӕн ӕдас ацӕуӕн сӕххӕст кӕныны фадат кӕй ис, уый фӕдыл 4 февралы 10.00 сахатӕй Транскавказаг автомагистраль гом у автотранспорты алы хуызтӕн дӕр", - радзырдтой уагдоны.
Министрады бафӕдзӕхстой, Транскамы нырма кӕй ис зӕйтӕ ӕрцӕуыны тӕссагдзинад, ӕмӕ ӕрсидтысты шофыртӕм, цӕмӕй уой арӕхстджын.
Транскавказы автомагистраль у иунӕг фӕндаг Хуссар Ирыстон ӕмӕ Уӕрӕсейы хсӕн. Трассæйы дæргъ у 164 километры.