ЦХИНВАЛ, 26 мар – Sputnik. Паддзахадон драмон театры фӕстаг хӕрзбон загътой Хуссар ӕмӕ Цӕгат Иры адӕмон артист Уанеты Ӕхсарӕн.
Уанеты Ӕхсарӕн фӕстаг хӕрзбон зӕгъынмӕ ӕрбацыд республикӕйы къухдариуӕгад премьер-министр Тадтаты Дзамболаты сӕргълӕудӕй, интеллигенцийы минӕвӕрттӕ ӕмӕ горӕты сӕдӕгай цӕрджытӕ.
Уанеты Ӕхсар егъау хайбавӕрд бахаста националон театры арӕзт ӕмӕ райрӕзтмӕ ӕмӕ ныууагъта стыр фӕд Хуссар Ирыстоны культурон царды.