ЦХИНВАЛ, 8 апр — Sputnik. Хуссар Ирыстон цӕттӕ у ӕнӕмӕнгхъӕугӕ ӕххуыс бакӕнын Дагестанӕн тӕрккъӕвдатӕ ӕмӕ донивылдты фӕстиуджытӕ ауиварс кӕныны хъуыддаджы.
РХИ уӕлвӕткон уавӕрты министр Гассеты Ибрагим телефонӕй аныхас кодта Дагестаны УУМ разамонӕг Нариман Казимагамедовимӕ.
Хуссар Ирыстоны президент Гаглойты Аланы фӕдзӕхстӕй Гассеты Ибрагим равдыста цӕттӕдзинад баххуыс кӕнын Дагестаны адӕмӕн ӕрдзон бӕллӕхы фӕстиуджытӕ аиуварс кӕнынӕн.
Баныхасы фӕстиуӕгӕн фарсытӕ развӕлгъау бадзырдтой ӕмархайды механизмтыл.
Ныртӕккӕ Хуссар Ирыстоны УУМ цӕттӕ кӕны гуманитарон уаргъы колоннӕ Дагестанмӕ. Кӕд бахъӕуа, уӕд министрады кусджытӕ дӕр ӕвӕстаитӕй ацӕудзысты уӕлвӕткон цауы зонӕмӕ, цӕмӕй фӕтыхджындӕр кӕной Дагестаны ирвӕзынгӕнӕг къордтӕ.